شالوم! أنا چيل
يووو قديش أنا متحمس ومبسوط آجي ازوركم! أنا متأكد إني رح أستمتع بوقتي معكم.
اسمي چيل، كيف حالكم؟ في روضتنا، الكل بعرف إني بعشق الرقص، ورح أشارككم بأغنيتي المفضلة. منقدر نسمعها سوا ونقلّد حركات المغنية عنبال جمشيد وفرقة أكوت.
أغنية من جهة لجهة\ إيدين تنتين
اكيد في عندكم أغاني مع حركات ممكن نعملها مع بعض؟
اقتراحات:
123 زقفة عمو رامي
أعضاء الجسم- فوزي موزي
اجدادي بيعرفوا عربي لأنهم من شمال افريقيا. عندي اقتراح- شو رأيكم أعطيكم كلمة بالعبري وانتو تحزروا شو معناها بالعربي، مثل: עין عين אוזן أذن ימין يمين، وبعدين منتبدل.
عشان أساعد حالي وأنام، بحب أحكي بعقلي الكلمات المتشابه بالعربي والعبري، وهيك بسترخي وبغفى.
أنا كمان بحب الحيوانات كثير. منقدر نلعب لعبة مسلية: واحد منا بفكر بحيوان معين، والباقيين بسألوه أسئلة ليعرفوا مين الحيوان. هو بقدر يجاوب بس ب-“نعم” أو “لا، لحتى نحزر إسم الحيوان.
حكولي إنه الأكل عندكم كتير طيب. أهلي كمان بعرفوا يطبخوا أكل بشهي، وأنا بساعدهم. أنا بحب المطبوخة. بغمّس فيها خبز “الحالاه” وبكيّف! المطبوخة كلمة عربية وهي مش سلطة خضار عادية، لأنه الخضراوات بتنطبخ لتصير طرية. وهي حراقة شوي، عشان هيك كل الأطفال بستغربوا إني بحبها.
هاي الوصفة اذا بتحبوا تحضروها.
جدي اللي اجا من جربة بتونس حكالي إنه أبوه كان يشتغل خياط. لما أحكي هالشغلة، أغلب الأولاد بالصف بصيروا يضحكوا. بس أنا بعرف انه مهنة الخياط في البلدان العربية كانت معروفة كتير. اذا بتعرفوا أشخاص اشتغلوا بنفس المهنة يا ريت تحكولي؟ (أمثلة : النبي ادريس عليه السلام، عاشور خياط الأمراء، عبد العزيز بن حبشان، ايلي صعب ومن بلادنا عروة شريف وساهر عوكل).
ممكن تحكولي عن مهن تانية اشتغل فيها الرجال والنساء مثل بعض؟ (مهندس، راعي، طباخ، حلاق، معلم، طبيب وممرض).
بحب أشكركم جزيل الشكر على استضافتي عندكم.
تذكروا أنني لست دمية عادية، بل دمية تشبه الطفل.