رونا

مرحبا! أنا رونا.

مبسوطة كتير أتعرف عليكم. شو أسماء أفراد عيلتكم؟ عنجد متحمسة أظل معكم يوم أو يومين، وأقضي معكو وقت حلو. ممكن عندكم كتير ألعاب، وأنا كمان عندي ألعاب كتير بس إحنا ما منشتريها من الدكانة، احنا منصنعها بإيدينا! بتحبوا تجربوا لعبة بسيطة؟

جيبوا سبع أغراض صغيرة من صندوق الألعاب (طقية صغيرة، سيارة، قلم، وهكذا) أو حتى من أدوات المطبخ (ملعقة، شوكة، صحن صغير، فرشاة، مغرفة وغيرها) وبعدين رتبوها بصف على الطاولة. وهيك بتبدا اللعبة: واحد بغمض عينيه وما بتطلع (وبدون غش!!)، والباقيين بخبوا غرض واحد واللي غمض بحاول يعرف شو الغرض الناقص. اذا بدكو تزيدوا التحدي- ممكن بدل لنخبي الأغراض، نغيّر ترتيبها واللي بغمض بحاول يرجع يرتبها كيف كانت. هاي لعبة ممتعة ومتأكدة انه رح نكيّف اذا منلعبها سوا.

بس شو بصير اذا اشتقت لأهلي وأنا عندكم؟ آه، عندي فكرة! بتذكر هديك الأغنية اللي ستي كانت تغنيلي إياها لمى أشتاق لأهلي وهني مسافرين. الأغنية باليديش، مش بالعبري، وستي ورثتها من إمها اللي كانت تغنيلها إياها قبل النوم. بفكر إنها رح تعجيكم، مع إنها بلغة ما منفهمها لا أنا ولا إنتم.
تهليلة باليديش

وهاي الأغنية نفسها أنا بردّدها بالليل وقت النوم لإنها بتساعدني أغفى.

وآخر إشي- بتعرفوا إني بحب أحضر سلطة لوجبة العشا؟ عشان هيك، إسمحولي أساعدكم، لإني شاطرة كتير بتقطيع (بسكين مناسبة لاستخدام الأطفال) الخيار والبندورة والفلفل والبصل لقطع صغيرة، بالزبط زي السلطة العربية، وبعدين بزيّنها ببذور دوار الشمس او اليقطين، وبعد التتبيل بتصير طيبة كتير كتير. أهلي بقولوا إنه هاي وجبة ممتازة للعشا، لإنها صحية وخفيفة. إنتو كمان بتاكلو سلطة صحية وخفيفة ع العشا؟

على فكرة، أنا بقطف الخضار طازة كل يوم، إحنا زارعينها بصناديق على سطح بيتنا. بس أطلع على السطح، بلبس طقية أو بطلع هناك بساعات فيها ظل…وإلا بصير زي حبة البندورة الحمرا!

شكراً الكو من أعماق قلبي على الضيافة (هيك إمي بتعبر عن شكرها).
وتذكروا من فضلكِم أنني لستُ دمية عادية، بل دمية تشبه الطفلة.