أمير

مرحبًا أنا أمير وحابب احكيلكو عن حالي
أنا طفل كثير بحب اللعب يالتراب بجيب الشوفيلات والتركات بعيهم تراب وبنقلهم من محل لمحل بالبيت بلعب بالحاكوره بالروضة بلعب بالساحة بالرمل لما بلعب بالتراب بشعر بأمان وسعادة, أنا بحب العب بالتراب كمان أولالد وكمان بنات, سيدي دايمن لما يروح ع الزتونات بياخذني معه وبنبسط كثير
بالليل، السما بتمتلي نجوم بطلع أنا وابن عمّي، عنان، سطح بيتنا الو جدار عالي داير ما يندار بتأمل النجوم وبشرح لابن عمي عن النجوم وعلّمته أسماءها الي بعرفها
مرات بستغرب كيف بنفع حدا يحب الأرض كثير كثير وكمان يحب السما كثير كثير , مش غريب هذا التناقض ؟! لما سألت جدي قال لي سهلة يا سيدي الحياه مليانه تناقضات, في حامض وفي حلو , في ابيض وفي اسود . شو رايكم تلعبوا لعبة التناقضات واحد بيقول كلمة والثاني بيلاقي عكسها
أصلاً انا لما اطلع على النجوم وانزل لانام بضا اتخيل السماء والنجوم والغيوم بسترخي وبغفى
أحنا بعيد النبي شعيب بنروح كلنا نزور مقام النبي شعيب علية السلام كل الدروز بالبلاد بحجّوا لقبر النبي، هناك في فعاليات كثيرة . أنا بحب الوح بعلم الدروز الي هو شعارنا وقت يكون أغاني تمدح النبي شعيب بتحبوا تسمعوا أغنية أنا بحبها ؟ https://www.youtube.com/watch?v=tltr1ZMxp5Q
العلم الدرزي على شكل نجمة من خمسة ألوان بتعرفوهم ؟ وهم بعبروا عن المبادئ الكونية الخمسة بالنسبة للطائفة الدرزية:
الروح والنفس يرمز له باللون الأحمر، اما الكلمة والحكمة يرمز لها باللون الأصفر، الأخضر يرمز للعقل، الأزرق يرمز الي التعلم من الماضي، والأبيض دلالة على الطهارة والنقاء وحكمة المستقبل
بتحبوا نلون مع بعض نجمة ؟
في اكلات كثيرة ماما بتطبخها أنا بحبها مثل الشنيتسل والورق ورب البندورة وغيرها بس انا بحب اعمل لفة اللبنة والزعتر مثل هيك : https://www.tiktok.com/@danialnaser/video/7126692492489002242?is_from_webapp=1&sender_device=pc