ميلا

مرحبا! أنا ميلا.
إسمي أسباني ومعناه البنت الحلوة . بما أني بحب الألوان كثير كثير، شو رأيكم نعمل فعاليات فيها ألوان. ممكن نعمل مثل هاي الأفكار: فعالية قص وتلوين.

يوم الأحد، البابا والماما ما بيروحوا على الشغل لانه يوم عطلة. منروح أنا وأهلي وأخوي التوم مجد على الكنيسة. هناك بنسمع صلوات وتراتيل حلوة كثير. وبعدها كل الأطفال بنلعب بالساحة. بس نخلص بنتغدا إحنا وأصحابنا أو مع تيتا، ومرات بنروح على البحر مع دار خالتي اللي ساكنة بحيفا.
عندي فكرة- شو رأيكم تسمعوا صلاة من اللي أنا بعرفهم؟
صلاة أبانا الذي

بتعرفوا إنه البحر محل كثير بخلينا نهدى…بالأول أنا ما صدقت بس لما صرت اسمع صوت الموج وأنا مسترخية، حبيت الاشي كثير. شو رأيكم نسمعه مع بعض؟
أمواج البحر مع موسيقى هادئة
صوت البحر بدون موسيقى

أنا لما اسمع هاي الأصوات بتساعدني استرخي وأنام بهدوء كل ليلة.
ميلا حكت انه من الأعياد اللي بتحبها هو عيد الميلاد وإنها بتحب الهدايا التي بجبلها إياها بابا نويل.
ميلا ما حكتلنا عن عيد الفصح بس إحنا منعرف إنها بتحب البيض الملون بعيد الفصح وبتحب عملية المفاقسة بأول أيام العيد.
ميلا بتقول انه لما البيض بيكون مصبوغ بأصباغ طبيعية، مثل الصفير وورق الملفوف الأحمر والشمندر، الفلفل بألوانه وكمان ورق البصل، ممكن نوكله.
أما البيض المسلوق المصبوغ بأصباغ كيماوية، ألوانه زاهية وبتجنن بس ممنوع نوكله.
ميلا حكتلنا انها بتحضر سلطة بيض زاكية كتير، وتجهيزها سهل كتير، وبتحب تعلمنا إياها. شو رأيكم بتحبوا تتعلموها؟
وصفة سلطة البيض

شكراً الكو من أعماق قلبي على الضيافة.
وتذكروا من فضلكِم أنني لستُ دمية عادية، بل دمية تشبه الطفلة.